Layihələrdə praktiki əhəmiyyəti olan elmi nəticələrin, eksperimentin, mühəndis layihəsinin texniki təsviri, innovativ kompüter proqramının təsviri və s. ola bilər. 

   Hər bir layihədə elmi problemin aktuallığı, irəli sürülən fərziyyə, müəllif tərəfindən aparılmış tədqiqatın metodları və nəticələri əks olunmalı, həmin nəticələrin tətbiqinə dair təkliflər verilməlidir. Final mərhələsində layihələrin seçimində üstünlük yaradıcılıq qabiliyyəti və əsaslandırılmış yeni elmi ideyaları olan şagirdlərə verilir.

  Müsabiqəyə təqdim olunan layihələrdə aşağıdakılar əks olunmalıdır:

• tədqiq olunan məsələ və ya problem (məsələnin seçiminin səbəbini, onun elmi-praktiki əhəmiyyətini göstərmək vacibdir);
• məqsəd, fərziyyə, gözlənilən nəticələr;
• tədqiqat prosesində istifadə edilən üsulların, yaxud prosedurların ətraflı təsviri (tədqiqat üsulları, prosedurlar, təcrübə avadanlıqları və məlumatların emalı üsulları);
• əldə olunmuş nəticələrin təhlili (işin yerinə yetirilməsi prosesində əldə olunan əsas nəticələr, onların elmi-praktiki əhəmiyyəti, alınmış nəticələrin yeniliyi, onların müqayisəli təhlili);
• istifadə olunmuş ədəbiyyat siyahısı: ən azı beş ədəbiyyat göstərilməlidir (elmi jurnaldan məqalələr, kitablar, Internet saytları). Onurğalı heyvanlarla bağlı tədqiqatlar üçün bu istinadlardan biri heyvanlara qayğı haqqında olmalıdır.

 Tədqiqat və eksperiment başa çatdıqdan sonra annotasiya və sertifikasiya forması doldurulur və baxılması üçün EEK-nın Bu email ünvanı spambotlardan qorunur. Onu görmək üçün JavaScripti qoşmaq lazımdır.  ünvanına göndərməlidir.

 Annotasiya və sertifikasiya aşağıdakı tələblərə cavab verməlidir: mətn - 250 sözə qədər, şrift - Times New Roman, hərflərin ölçüsü - 12.

 Mətn faylında həmçinin aşağıdakılar əks olunmalıdır:

• Müsabiqənin istiqaməti;
• Layihənin adı;
• İştirakçının adı, soyadı və atasının adı;
• Təhsil aldığı ümumi təhsil müəssisəsinin adı və ünvanı;
• Təhsil aldığı sinif;

  Layihələrin qeydiyyatı sabahinalimleri.edu.az saytında on-line rejimində həyata keçirilir. 

Layihələrin təqdimatına qoyulan tələblər

• Müsabiqədə layihələrin təqdimatı "poster" formatında həyata keçirilir. Münsiflər Heyətinin üzvləri növbə ilə poster yerləşən stendlərə yaxınlaşır və hər bir iştirakçı ilə 15 dəqiqə ərzində müsahibə aparır. 

•  İştirakçılar tərtib olunmuş poster və müsabiqənin Təşkilat Komitəsi tərəfindən icazə verilmiş nümayiş vasitələrinin köməyi ilə öz layihələri haqqında məlumat verirlər.

• Posterlərdə və nümayiş vasitələrində reklam xarakterli və ya Azərbaycan Respublikasının qanunvericiliyi ilə yayılması qadağan edilən informasiyanın yerləşdirilməsinə icazə verilmir.
• Materialları əvvəlcədən layihənin elmi rəhbəri ilə razılaşdırılmalı və posterin ölçülərinə uyğun olaraq hazırlanmalıdır.
• Təşkilat Komitəsi müsabiqə iştirakçılarının poster və nümayiş vasitələrinin məzmununa görə məsuliyyət daşımır.
• Posterdə müsabiqə iştirakçısı haqqında şəxsi məlumatlar, onun elmi rəhbəri və tədqiqatın aparıldığı yer, iştirakçının oxuduğu tədris müəssisəsi haqqında məlumatların yerləşdirilmir.
• Layihə elmi müəsissədə yerinə yetirildiyi halda onun müsabiqədə nümayiş etdirilməsinə qədər müəssisənin və mütəxəssis alimin razılığı olmalıdır (forma 1C).
• Formalar
• Posterlər (nümunə)